25 نوفمبر – العقبة هالسنة مستعدّة تستقبل عيد الميلاد ورأس السنة بطريقة غير شكل…
المدينة راجعة تنبض حياة وفرح بعد فترة طويلة، والزينة منتشرة بكل مكان؛ من الفنادق اللي بلّشت بدري بإضاءة شجر الميلاد،
للمولات والشوارع اللي تزيّنت بأضواء بتشرح القلب.
وسلطة العقبة كمان بتحضّر لإضاءة الشجرة الضخمة قرب مسجد الشريف الحسين بن علي،
والناس—مسلمين ومسيحيين—مستنيين هاللحظة اللي بتجسد قدّيش أهل العقبة عايشين بمحبة وتآخي.
المدينة بتجهّز حالها تستقبل زوّار من كل الأردن ومن برّه، خصوصًا بعد رجعة الطيران العارض اللي رجّع الحركة السياحية بقوّة.
الفنادق متوقّع توصل إشغالاتها لأكتر من 80%، والناس جايين يدوروا على فعاليات، حفلات، أجواء احتفالية، وألعاب نارية بآخر ليلة من السنة.
والمحال التجارية والعاملين بالسياحة مبسوطين؛ الحركة رجعت، والبيع زاد، والكل عم يحضّر عروض وزينة وهدايا.
التجار بحكوا إنه موسم الأعياد صار فعليًا رافعة اقتصادية للعقبة، وبيرجع الروح للقطاع السياحي والتجاري.
أما العائلات المسيحية بالعقبة، فإلها طقوسها البسيطة …
تزيين الشجرة بالبيت، تجهيزات العيد، وتبادل التهاني مع الجيران والأصحاب حتى تضّل روح المحبة موجودة بكل بيت وبكل شارع.
