4 آذار (سياحة) – بين الطرب الأصيل والستايل العصري، رجعت ميادة الحناوي تطل علينا بإطلالة مختلفة تماماً
“شحرورة الشام” ظهرت بلوك وردي سموكي جريء، مع شعر عسلي دافي ولمسة شبابية خلت الكل يحكي عنها. الصراحة… الإطلالة ما كانت مجرد ميك أب جديد، كانت رسالة واضحة إنه العمر مجرد رقم، وإنه النجمة الحقيقية بتعرف كيف تتجدد.
ميادة اللي دايماً تعودنا عليها بالكلاسيكية والوقار، فاجأت الجمهور بإطلالة من داخل صالون ، وخلال ساعات تصدّرت السوشال ميديا. ناس انبهروا، وناس استغربوا، والبعض صار يتساءل إذا في إجراءات تجميلية ورا هالتغيير.
لكن ميادة ردّت بكل ثقة خلال ظهورها ببرنامج إي تي بالعربي، وقالت إن الجمال من جوّا قبل ما يكون من برّا، وإنه الاعتناء بالنفس حق طبيعي. وأضافت إنه ممكن يكون السر فقدان وزن أو اهتمام أكبر بالبشرة، وبلهجتها الحلوة أكدت: “حلو إن الست تعتني بحالها… هيدا شي جميل كتير”.
اللي أكيد إنه ظهورها مش مجرد ترند، بل رسالة لكل امرأة إنه الجرأة بالألوان والاهتمام بالنفس مش رفاهية… هو استثمار بالسعادة والثقة
وبالآخر، ميادة أثبتت إنها “مطربة الجيل” مش بس بالصوت… كمان بالحضور والكاريزما.
