10 فبراير (سياحة) –في خطوة تكنولوجية غريبة ومبهرة بنفس الوقت، شهدت مدينة شنغهاي الصينية إطلاق أول صراف آلي بشتري الذهب مباشرة من الناس، وبدون أي تدخل بشري.
يعني بتحط ذهبك بالجهاز، وهو بوزنه ويفحصه ويقيّم سعره، وبحوّللك المصاري على حسابك.
الجهاز، اللي طوّرته شركة صينية اسمها “كينغهود”، بشتغل بطريقة ذكية،
حيث بصهّر الذهب ليتأكد من نقاوته، وبحسب سعر الذهب اللحظي ببورصة شنغهاي، وبنهي العملية كلها خلال حوالي ثلاث دقائق.
وبعدها بنص ساعة بالكثير، المبلغ بكون نازل بحسابك البنكي.
الصراف الآلي بقبل كل أنواع الذهب تقريبًا، من سبائك ومجوهرات وذهب “K”، وبأوزان من 3 غرامات لحد كيلو كامل، بدون ما يهمه الماركة أو الشكل. والموضوع كله آلي 100%، من التقييم للدفع.
الفكرة لاقت إقبال كبير بالصين، لدرجة إنهم ركّبوا حوالي 100 جهاز بعدة مدن، وناويين يزيدوا العدد، خاصة إنه وفر بديل سريع عن محلات الذهب التقليدية. وحتى بالمعارض العالمية، الجهاز خطف الأنظار ونال إعجاب خبراء ومسؤولين بأسواق الذهب.
