15 يناير ( سياحة) – إذا كنت مفكّر إن موضة الدمى الصغيرة خلصت عند لابوبو، شكلك ما سمعت عن ميرومي. مع بداية 2026، طلع معنا رفيق جديد مش بس للزينة، روبوت صغير ملبّس فرو، بتعلّقه على شنطتك، وبصير يتفاعل معك ومع اللي حواليك.
ميرومي “بنظر” ويميل راسه، بخجل، بفضول، وحتى بزعل لطيف إذا حد قرّب فجأة. الفكرة جاية من شركة يابانية هدفها تنشر البهجة مش أكتر. يعني مش روبوت شغل، روبوت مزاج حلو.
الناس صارت تتهافت عليه بالسوشال ميديا، لأنه ببساطة إحساس إنك معك صاحب صغير بالطريق أحلى من ألف تطبيق بالموبايل.
